Lóðamál

Á vefsjá Landeignaskrár sem vistuð er hjá Þjóðskrá Íslands má sjá á myndrænan hátt allar stofnaðar lóðir á landinu.

Vinsamlegast kynnið ykkur eftirfarandi ferla varðandi lóðamál á vef HMS:

• Skráning fasteigna,  – lönd og lóðir, * SKRÁNING FASTEIGNA *
• Lönd og lóðir sem ekki liggja fyrir hnitsetningar á, * UPPMÆLING EIGNAMARKA – Jarðir og lóðir *

Samkvæmt skipulagslögum er óheimilt að skipta jörðum, löndum eða lóðum eða breyta landamerkjum og lóðarmörkum nema með samþykki sveitarstjórnar. Skipulags- og byggingardeild Árborgar sér um framkvæmd mála sem varða stofnun nýrra lóða eða breytingar á þeim innan sveitarfélagsins og eru slík mál lögð fyrir skipulagsnefnd til samþykktar.

EF ÓSKAÐ ER EFTIR STOFNUN NÝRRAR LÓÐAR AÐ ÞÁ ÞARF AÐ SKILA INN EFTIRFARANDI GÖGNUM:

Ef óskað er eftir stofnun nýrrar lóðar með tölvupósti á skipulag@arborg.is skulu eftirfarandi fylgiskjöl fylgja:

• Umsókn um stofnun lóðar EBL-101, eða
• Umsókn um breytingu á skráningu lóðar EBL-102
• Hnitsett lóðablað sem sýnir afmörkun og stærð lóðar.
• Umsóknareyðublað Þjóðskrár – F-550 Umsókn um stofnun fasteigna í fasteignaskrá.

Upplýsingar um gjaldtöku vegna lóðamála er að finna í gjaldskrá Skipulags- og byggingardeildar